Iñaki Peña Bandrés OEEkide eta mediku internistak ikastaro interesgarria emango du otsailaren 12an. Animatu eta zabaldu!

Gaur egungo zenbait joerak gaztetasunaren, irudiaren, abiaduraren eta hedonismoaren gorazarrea eta hilezkortasunaren eldarnioak bultzatzen dituzte. Horrek dakarrena da errealitate “itsusiak” ezkutatzea, hala nola zahartzea, gaixotasun larriek eragiten duten sufrimendua eta bizitzaren amaiera bera.

Bestela, koronabirusaren pandemiak ekarri digunaren artean hauskortasunaren eta heriotzaren errealitate gordina dugu. Halaber, eutanasiaren legearen prozesuak espainiar estatuan mahai gainean ipini du Zainketa Aringarrien garapen handiagoaren beharra.

Gai horiez hitz egiten ibili zen Iñaki Peña elkarrizketa honetan.

"Heriotzari bizkarra emanda bizi gara gurean…
Lehen Munduan, azken mende erdian edo, bizkarra ematen joan gara heriotzari ez ezik baita zahartzeari eta makaltzeari ere. [...] Hedonismoarekin oso lotuta dauden jarrera infantilak dira, beste alde batetik angustia existentzialekin zerikusia dutenak. [...]

Zer da ikastaroan landuko duzuna?
Orain arte aipatu ditugun puntuak jorratuko ditugu, modu teorikoan eta praktikoan, suertatzen diren zalantzak argitzen saiatuz. Baliabideen artean zinema izango dugu, zainketa aringarriekin lotutako filmografia eguneratua errepasatuko dugu. Baita bibliografia interesgarria ere.

Non ipini nahiko zenuke azpimarra?
Zahartutako jendartea dela geurea, gehiago bizi garela, baina nola bizi garen ibilbide biografikoaren amaieran garrantzi handikoa dela. Zainketen beharra gero eta handiagoa dela, eta ondo hausnartu behar dugula nola egingo dugun gure senideekin. Eta nola egingo duten gurekin, nola gustatuko litzaigukeen behintzat izatea. Zeintzuk diren zure balio garrantzitsuak bizitzan, zer egingo zenukeen gaixotasun larria eta sendaezina tokatuz gero, aldamenekoei edo zeuri.

[jarraitzen du].

Informazio gehiago eta izen-emateak: hemen edo helbide hauetan: nafarroa@ueu.eus / 948 362563.

Bizitzaren amaieran_ikastaroa.pdf