Osatuberri aldizkarian albiste interesgarriak argitaratu ziren. Adibidez, Normandiako eta Granadako osasun-langileak elkarrizketatu zituzten, euskara ikasten ari direla eta euren esperientzia kontatzeko: «Euskara polita, desberdina eta oso logikoa da» Alicia Perez Valerorentzat, eta Amélie Le Gall-ek dio: «hizkuntza zaila dirudi, baina benetan poetikoa eta nahiko logikoa da» [Albiste osoa hemen].

Beste hainbat albiste ere irakur daiteke: KomunIKT dibulgazio-kanala (aldizkari bat), Gasteizko tresna terapeutiko berri bat (antsietatea gutxitzeko gela), Mikel Urreizti osasun-langile musikariari egindako elkarrizketa, Gorlizko ospitaleak ekografia arloa landu duela,  ‘Genero-indarkeriaren eta sexu-erasoen aurrean nola jardun jakiteko gida’, Galdakaoko ESIan ginekologia arloan egindako berirkuntzak eta jateko antsietatea.