Mintzanet atarian irakurri genuenez, Karolin Breda eta Philip Kraemer alemaniarrek haien azken ikerketa-lana aurkeztu dute Kataluniako Revista de llengua i Dret aldizkarian: sarean dauden euskararen aurkako jarrerak aztertu dituzte; izan ere, haien emaitzen arabera, euskararen kontrako argudioak eraiki dituzte zenbaitek, hizkuntzari zilegitasuna kentzeko helburuarekin. Diotenez, hizkuntza eskubideen aurkako diskurtsoak lau haizetara zabaltzen dira interneteko zenbait eremutan espainiar Estatuan.

Diskurtso horren ondorioz, errealitatea desitxuratu eta bi hizkuntzen arteko rol aldaketa gertatzen da; horrela, “euskara bultzatzeko aipatzen diren eskubideei mugak jartzeko, gazteleradunen hizkuntza eskubideak erabiltzen dira”. Era berean, hizkuntzak eskuratu duen lekua eta gizarteari egin diezaioken mesedea zalantzan jartzen dute diskurtso horiek darabiltenek.

Ikusi laburpena Mintzaneten, eta Berrian. Artikulu osoa hemen.