Joan den astean argitaratu zen OSAGAIZen urteko lehen ale berezia (hemen ikusgai). Bertan, martxoaren azken asteburuan OEEk antolatutako 31. Osasun Biltzarrean aurkeztu ziren hitzaldiak, ahozko komunikazio zein posterrak irakur daitezke. Esan bezala, aldizkariaren lehen ale berezi honetan COVID-19aren ondorioak eta osasun-langileek pandemiaren aurrean bizi izan dutena ezagutu eta aztertu dute. 

Ale berezi honek 21 ahozko komunikazio eta 6 poster biltzeaz gain, Irune Tubiak (Nafarroako OEEko kideak) idatzitako editoriala du. Editoriala hainbat euskal komunikabideetan argitaratua izan zen Osasun Biltzarra baino lehenagoko asteetan.