Osasunaren eta osasun langileen gaiak kaleak hartu ditu berriz ere. Hainbat manifestazio izan dira familia medikuen beharrak, eta oinarrizko osasun zerbitzuen urruntze posibleak eraginda. Zurrunbilo horretan, garrantzizkoa da osasuna eta hizkuntzaren aldeko aldarria ere jendearen eguneroko elkarrizketetara hurreratzea. Izan ere, Felix Zubiak joan den otsailean idatzi zuen Berria egunkariko iritzi artikulua jasoz, mediku euskaldunaren estigmatizazioak oraindik dirau.

Artikuluan dioenez, euskara ez da beste hizkuntza osagarri bat bailitzan kontuan hartu behar. Horren adibide kasu propio bat azaltzeaz gain, Madrilgo Medikuen Elkargoaren kasua ezagutarazten du.  Bertan, "elkargoak publikoki salatu zuen atzerritik etorritako medikuen %20k ez zekiela ondo gaztelaniaz, «ezinbestekoa den baldintza arreta lana egoki egiteko», euren hitzak testualki itzulita. Eta hemen, zergatik ez?" (Irakurri artikulu osoa hemen)