Osasun-arloko profesionalei bideratutako ikastaroa da "Osasuna eta Hizkuntza V. Eskaintza aktiboa". Osasun-arloan hizkuntzen kudeaketari buruz interesa duzuenontzat egokia da, eta arlo horri lotutako ikerketetan murgildu nahi dutenentzako elkargune ezin hobea izango da; bertoko eta Nazioarteko hizlariak egongo dira, oso aditu interesgarriak. Aurtengo edizioak eskaintza aktiboaren kontzeptuan jarriko du arreta.

Euskal Herrira egokituriko eskaintza aktiboaren definizio zabala landuko da, komunitatearen inplikazioa erdigunean jarriz. Bere oinarri teorikoa hizkuntza-justizia, gaitasunen eredua eta eragile aktiboak izango dira. Hau guztia kontuan hartuta Euskal Herriko eta nazioarteko hainbat proposamen eta esku hartze aurkeztuko dira. Gaiak aurkezteko orduan eskaintzaren mailak jarraituko dira: muturreko egoerak edo eskaintzarik eza, erabiltzaileen beharren identifikazioaren egoera, zerbitzuen eskaintzan oinarritutako egoera, eskaintza aktiboaren neurketa eta ebaluazioa. Hizkuntza-justizia, etika eta gaitasunen eredua landuko dira baita ere.

Noiz: Irailaren 15 arratsaldean eta 16 goizean.

Non: Donostiako Miramar Jauregian.

Informazio guztia eta matrikula egiteko aukera hemen.