Gaixotasunaz haraindi, pazientea pertsona gisa eta ez sintoma multzo soil moduan ahal bezain egokien artatzeko gaitasuna izango du mami eta abiaburu UEUk antolaturiko doako euskarazko ikastaroak. Izena emateko epea dagoeneko zabalik dago eta urriaren 24an amaituko da.

 

Noiz: urriaren 29tik azaroaren 12ra. Larunbatetan 10:00etatik 14:00etara eta 15:30etik 17:30era.

Non: Iruñeako Jaso Ikastolan; bertara heltzeko argibideak hemen.

 

Nondik norako orokorrak

 

UEUk osasun-profesionalei bideratutako ikastaro interesgarria proposatu du. Jakina da medikuntzaren berezko jarduna dinamikoa dela; eta horrenbestez, nabarmen bezain ukaezina da XX. mendeko azken hamarkadatik gaur egunera bitarteara gauzatutako lehentasun- eta ikuspuntu-aldaketa. Horren guztiaren baitan aurrera pauso zientifiko-teknologikoek izan dute sona gehien. Hala ere, aurrerapenera hurbildu ahala gaixotasunen atzeko gizatasunetik aldendu gara.

 

Bai gizarteak bai eta osasun-profesionalek ere salatu dute humanismo gabezia; eta beraz, aldaketa kulturalerako bidea egiten hasi beharra dago. Osasun-sistemak banakoa hartu behar du ardatz; eta horretarako, ezinbestekoa da teknika zehatz eta landuak irakatsi eta ikastea. Xedea lortzeko Maialen Berridi Agirre mediku lizentziaduna eta Familia eta Komunitate Medikuntzako Espezialista izango da irakaslea.

 

Informazio gehiago hementxe.