UEU beste bi ikastaro interesgarri eskaintzera doa. Oraingoan, alde batetik menpekotasuna ezagutuaz batera horri aurre egiten; eta bestetik, indarkeria matxisten kasuetako esku hartzea prisma feministatik begiratzen ikasteko aukera eskaintzen du.

Bi ikastaroak urrian izango dira:

"Adikzioak ezagutuz ekin. Osasun Zientzietako ikasle eta profesionalentzat prestakuntza" izenekoa urriaren 1ean eta 8an izango da (larunbatak). Matrikula epea: irailaren 26ra arte.

"Indarkeria matxisten kasuen arretan eta esku hartzean begirada feminista" izenekoa urriaren 22an eta 29an izango da (larunbatak). Matrikula epea: urriaren 16ra arte.

Informazio guztia honako esteka hauetan eskuragarri:

"Adikzioak ezagutuz ekin. Osasun Zientzietako ikasle eta profesionalentzat prestakuntza"
"Indarkeria matxisten kasuen arretan eta esku hartzean begirada feminista"

Non: Iruñean.
Norentzat: Osasun Zientzietako ikasle eta osasun profesionalentzat.
Izaera: aurrez aurrekoa
Metodologia: aktiboa eta parte-hartzailea.
Berezitasunak: ikastaro bakoitzeko ECTS erdia emango die Nafarroako Unibertsitate Publikoko ikasleei (gutxieneko asistentzia %85eko delarik).

Helburuak hurrenez hurren:

"Adikzioak ezagutuz ekin. Osasun Zientzietako ikasle eta profesionalentzat prestakuntza". Menpekotasun prozesuarekin lotutako oinarrizko kontzeptu teorikoak barneratzerekin batera, profesional gisa izan beharreko gaitasunak trebatzea bai prebentzioan bai eta birgaitze prozesuan ere.

"Indarkeria matxisten kasuen arretan eta esku hartzean begirada feminista". Ikuspegi feministatik abiatuta, osasun alorreko profesionalei indarkeria matxistaren kasuen aurrean erabili beharreko estrategien, izan beharreko jakintzen, eskaini beharreko orientabideen eta balibideen inguruko prestakuntza eskaintzea.