2022ko otsailean, oso pausu garrantzitsua eman zuen Osakidetzak euskararen normalizaziorako bidean. Izan ere, osasun-arloko euskarazko estilo-liburua argitaratu eta aurkeztu zuen. Liburua, baina, ez dago soil-soilik osasun-saileko profesional edota adituentzat eskuragarri, ez bada edozein erabiltzailerentzat. Hori dela-eta, Osakidetzak dokumentua bera eskuragarri jarri du bere webguneko Euskararen erabilera atalean. Hona hemen bertara zuzenean helaraziko zaituen esteka: https://www.osakidetza.euskadi.eus/osakidetza-eus/-/euskararen-erabilera/

Bereziki aipagarria eta pozgarria da osasungintzarako lan-tresna linguistiko berriaren bertsio elektronikoa erabiltzeko Osakidetzatik kanpoko askotariko pertsona eta erakundeek agertutako interesa .

Osakidetzako euskarazko estilo-liburu digitalean jasotakoak, otsaileko aurkezpenean azaldutako moduan, etengabe eguneratuko dira. Ataza horren helburua erabiltzaileen beharrei eta sortzen diren zalantzei erantzutea da. Are gehiago, hasierako bertsioa dagoeneko lehenengo aldaketekin eguneratuta dago.

Ez galdu begiratu bat emateaz gain, Osakidetzaren euskarazko estilo-liburua zeuen kide leial bilakatzeko aukera!