Laura Sáenz del Burgo Martínezen eta Cristina Bruzos Cidónen eskutik datorkigu EHUk zabaldutako "Erizainentzako Farmakologia Orokora eta Klinikoa" liburua. Aurtengoa dugu bigarren edizioa, izan ere, Medikuntza eta Erizaintzako Unibertsitate-Eskolako eta Euskal Herriko Unibertsitateko Erizaintzako Graduko ikasleei zuzendutako eskuliburua 2021ean argitaratu zen lehenengo aldiz.

Ikasleek Farmakologia Klinikoa izeneko enborrezko ikasgaian erabiltzeko sortuta dago. Horretan, botikak ematera bideratutako erizaintza-zerbitzua jorratzen da: helburua da etorkizunean ospitaletan lan egingo duten erizainek eguneroko erabileran medikamentuen kudeaketa egoki eta segurua egitea. 

Aipatzekoa da jakintza eguneratura bideratuta dagoela, bai erizainen lana errazteko bai pazienteekiko tratuan hain garrantzitsua den arreta eraginkorraren nondik norakoen berri zehatza emateko ere.

Informazio gehiago hemen ikusgai.