OSAGAIZ, osasun-zientzien aldizkariak osasun-zientzien gradu-amaierako lanen 3. Jardunaldia antolatu du. Lankide izango ditu UPV-EHUko Euskararen Errektoreordetza eta Medikuntza eta Erizaintza, Farmazia eta Psikologia Fakultateak. Jardunaldia 2023ko ekainaren 12an izango da Eibarren, Markeskoa Jauregian.

Jardunaldi honetara aurkeztu ahal izango dira azken bi ikasturteetan osasun-zientzietako ikasketen bukaeran aurkeztu diren gradu-amaierako lanak. Maiatzaren 31 baino lehenago lanaren laburpen bat www.osagaiz.eus plataformara igo beharra dago. Ondoren laburpen guztiekin OSAGAIZ aldizkariak ale berezi bat argitaratuko du.

Bitartean, ekainaren 7ra arte egongo da jardunaldian izena emateko aukera.

Hemen aurkitu daitezke: jardunaldiari buruzko informazioa, laburpenak bidaltzeko jarraibideak eta matrikula egiteko argibideak (dohainik da).