Duela bi aste, Osakidetzak jakitera eman zuen hainbat lan-poltsetan euskararen ezagutzarik izan beharko ez duten Europako Batasunetik kanpoko pertsonak kontratatuko dituela. Horren aurrean, Hizkuntz Eskubideen Behatokiak herritarren oinarrizko eskubide eta osasun sistemaren kalitatean izan ditzakeen kalteez ohartarazi du beste behin. Bitartean, asteburu honetan izan diren MIR azterketak izan ditu hizpide Kike Amonarriz Euskaltzaleen Topaguneko lehendakaria izandakoak, sare sozialetan. Izan ere, proba hori egiteko gazteleraren C1 maila eskatu zaie gaztelania ofiziala ez duten herrialdeetako atzerritarrei. Osakidetzara sartzeko hautaprobetan euskara eskatzearen aurka dauden horiek buruan, zera adierazi du espainol jatorrean Amunarrizek: "¿Qué queremos, buenos médicos o filólogos hispanistas?" (Zer nahi dugu, mediku onak edo filologo hispanistak?).

Irakurri osorik Hizkuntz Eskubideen Behatokiak egindako salaketa hemen.