Osasungoa Euskalduntzeko Erakundea

Osasungoa Euskalduntzeko Erakundea

+34 944 001 133

oee@oeegunea.eus

Berriak

Euskara lehentasunez erabiltzearen aldeko ekintzak epaituko dituzte martxoaren 26an Baionan

2024-02-13

Herribiltzak jakinarazi duenez, Gorka Roca Torre epaituko dute martxoaren 26an, 13:45ean, Baionan, euskararen aldeko margoketa batzuengatik. 2023ko irailaren 21ean eta 27an margoketak egin zituzten Izpurako (Nafarroa Beherea) eta Donibane Garaziko zenbait osasun-etxetan, "seinaleetan lehentasuna euskarari eman" zieten. Unescoren izenean izenpetu zituzten margoketak, euskara munduko ondare kulturala dela aldarrikatzeko. Bada, epaiketaren egunean, euskaltzale guztiak Baionako epaitegiaren aurrean elkartzera deitu dituzte, 13:30etan.

Ekintza hauen zergatia bere egileen hitzetan:

Euskara desagertzeko bidean da

"Euskal Herrian, euskara bigarren mailako hizkuntza bezala tratatua da, adibidez bide seinaleetan eta Osasun Erakunde Publiko hauetan. Ondorioz, zortzi herritarretatik bakarrik batek euskaraz hitz egiten du, eta Ipar Euskal Herrian euskararen karrikako erabilpena apaltzen ari da. Dagoen egoeran euskara desagertzeko bidean da, zeren hizkuntza batek, bizitzeko, lurralde bat nun herritarrak lehentasunez hizkuntza horretan mintzatzen diren behar du.

Euskara, gainerateko hizkuntza guziekin, munduko ondare kulturala da. Euskara, frantsesa, gaztelera eta munduko gainerateko hizkuntza guziak maite ditugu.

UNESCOk, Hezkuntza, Zientzia eta Kulturarako Nazio Batuen Erakundeak, munduko ondare kulturala babestea funtsezkoa dela dio, eta gaur egun aniztasun kulturala erasotua dela dio.

Frantziar eta espainiar estatuen agintariek, UNESCOren helburuen aurka egiten dute: euskara erasotzen dute eta hiltzen ari dira.

Euskal Herrian euskaraz bizi nahi dugu, hau da, gure eguneroko aktibitate guziak euskaraz egiteko posibilitatea ukan nahi dugu. Horretarako, mundu osoari “Euskal Herrian lehentasunez euskaraz !” aldarrikapena gauzatzeko laguntza eskatzen diogu, eta Euskal Herriko eragile guziei, lehentasunez euskaraz aritzea eskatzen diegu".

Euskal Herrian lehentasunez euskaraz!

UNESCOren militanteak

 

 

 

Utzi zure iruzkina

Azken Berriak

Apirilaren 17an, "Historia klinikoa euskaraz: beharra eta eskubidea" ikastaroa
COMGI Gipuzkoako Sendagileen Elkargoak eta OEE Osasungoa Euskalduntzeko Erakundeak mahai-ingurua antolatu dute apirilaren 17rako, asteazkena, historia klinikoan euskaraz idazteko nahi duen profesionalari laguntza eskaintzeko helburuarekin. Ikastaroa o...
"Euskararen ARritmia" liburua argitaratu berri du Miren Mujika erizainak
Zumarragako Ospitalean euskararen eta generoaren analisi bateratua egiten duen "Euskararen ARritmia" liburua argitaratu berri du Miren Mujika Garate erizainak. Ikerketa kualitatiboaz baliatuz, osasun-sisteman emakumeen eta gizonen aukera berdi...

Berri +

Ugarteburu sariak
Egin bazkide
Gizarte-sareak
facebook twitter
Laguntzaileak
Eusko Jaurlaritza
Bai Euskarari

©OEE

Diseinua: Di-Da Garapena: Bitarlan