Maiatzean, beste albiste bi argitaratu ditu Osakidetzak euskara hutsez plazaratzen duen Osatuberri.eus atari digitalak. Besteak beste, Paziente Bizia programaren barnean, Begiraleen VIII. Topaketa egin zuten Gasteizen urtarrilaren 26an eta horren kronika egin du. Bestalde, Iratxe Sanchez Aguirrebalzategui Lezako Ospitaleko gizarte-langileari buruzko afizioaz hitz egin dute. Izan ere, ardogintzan aritzen da lanetik harago. Amalur upategiaren egunerokoan dihardu bere familiarekin batera, Lantziegon, eta gertutik ezagutzen du Arabako Errioxak edari horrekin duen lotura.