"Loaren kalitatea narriadura kognitiboaren prebentzioan eta tratamenduan aztertu beharrekoa" azterketaren nondik norakoak jaso ditu Osagaiz online aldizkarian Miren Altuna Azkagortak (Zarautz, 1988). Hain zuzen ere, OEEk urriaren 25ean Zornotzan egindako Osasun BIltzarrean aurkeztu zuen lana zarauztarrak. CITA-Alzheimer fundazioko Maite García Sebastiá, Jon Saldias Iriarte, Marta Cañada Rodriguez, Mirian Ecay Torres eta Pablo Martínez-Lage Álvarez lankideekin batera egindako azterketa da. Artikuluaz hitz egiteko, UEU-Udako Euskal Unibertsitateak egin dio elkarrizketa Altunari.

Medikuntzan eta Kirurgian lizentziatua (EHU) da Miren Altuna eta Neurologian du espezialitatea (Nafarroako Ospitale Unibertsitarioa). Osasun Zientzietako Ikerketa Masterra egin zuen (NUP) eta doktorea da Osasun Zientzietan (NUP).