Hizkuntzalaritza Klinikoko lehen jardunaldia Baionan egin zen 2020ko irailaren 4an. Horren helburua izan zen euskaldunengan aztertzen diren hizkuntza-nahasmenduei buruzko lan eta proiektuen aurkezpen bat egitea, modu dibulgatiboan, elkarren lanen berri hartzeko, saretzeko eta Hizkuntzalaritza Klinikoa euskaraz garatzeko.

 

Lehen edizioak panorama anitza eskaini zigun, ikuspegi ezberdinak eta ikerketa eta lan-praktika ezberdinak aipatu ziren (mediku, ikerlari, ortofonista-logopeden artean). Lan horiek amankomunean izan zutena eta dutena euskaldunekin edota euskaldunentzat aritzea izan zen. Hizkuntzalaritza Klinikoko II. jardunaldiaren nondik norakoak berdintsuak dira.

 

Orain bigarren ekitaldia egitera doaz eta antolauntzan UEU eta IKER taldea daude. Bestetik, jardunaldiaren koordinatzaileak Marie Pourquié, Joana Itzaina, Urtzi Etxeberria eta Kattalin Bidart dira.

 

Informazio gehiago: https://www.ueu.eus/jarduera-akademikoa/2192-hizkuntzalaritza-klinikoko-ii-jardunaldia