Berria egunkarian elkarrizketa egin diote Garbiñek 20 urtez erizain gisa lan egin du:

Paziente emakume eta genero disidente euskaldunek Osasunbidean pairatzen dituzten bazterketak aztertu ditu Garbiñe Elizegi erizainak, argitara atera berri duen tesian. Formakuntza eskatu du osasun langileentzat.

Ospitaleko korridoreetan, medikuen kontsultetan, denetarik izaten da, baita bazterkeriarekin eta gutxiespenarekin ikustekoa duten jokabide asko ere. Eta pazientea edo nolanahiko erabiltzailea nor den, ez da berdin izaten. Nafarroako emakume eta genero disidente euskaldunen aurkako bazterketak «egiturazko botere harremanen» ondorio direla adierazi du Garbiñe Elizegi erizainak (Pomona, AEB, 1975), argitaratu berri duen tesian.

Hogei urte inguru daramatzazu erizain. Urtetik urtera pilaturiko kezka eta susmoek piztu zuten ikerketa hau abiarazteko txinparta?

Ikerketa hau bide luze baten emaitza izan da. Erizain lanetan aritu naiz bai Euskal Herrian bai kanpoan, eta esperientzia ugari izan ditut. Batetik, euskaldunekin lan eginda —eta ni neu ere euskaldun naizen heinean—, hainbat zapalkuntza bizi edo ikusi izan ditut; eta bestetik, Kalifornian [AEBak] eta beste toki batzuetan, gutxiengo etnikoekin eta migratzaileekin lan egin izan dut askotan, eta hor ikusi ahal izan dut hobetzeko gauza anitz daudela osasungintzan. Hego Dakotako erreserba indigena batean lanean nintzela, adibidez, ohartu nintzen haiek zituzten arazo batzuk bagenituela Euskal Herrian ere.

Elkarrizketa osorik ikusteko: https://www.berria.eus/euskal-herria/osasun-sistema-ez-da-neutroa-hegemoniara-erabat-lerratua-dago-erdara-eta-erdal-kultura-dira-nagusi_2153874_102.html