08. Osasun Jardunaldiak: Neurozientziak
4.16 Komunikabideen eragina sanitatean: C motako meningococoari buruzko berriak eta erreakzioak
Egilea: X. Txakartegi Etxebarria
0
Sarrera
Gaixotasun meningokokozikoa dela eta, ez da argi geratu joan den urtean pairatutako egoera izan den gaixotasunaren benetako intzidentziaren gehikuntzagatik, edo komunikabideek sortutako gizarte-alarmagatik. edo biengatik: eta txertatzeko hartutako erabakiaren erantzulea adituen batzordeak, edo gizarte-alarma, edo biak batera izan diren, erabakia ez baitator bat Atlantan munduko adituek 1997ko otsailean hartutakoarekin.
Helburuak
Joan den urtean (1997an) Estatuan eta Euskal Herrian C meningokokoak sortutako infekzioaren eragina jendearengan, osasungintzan eta osasun langileengan, eta zein izan den komunikabideen zerikusia eragin horretan aztertzen saiatzen da lan hau.
Metodoak
Gaixotasunaren eta txertaketaren bilakaera Gernika-Lumo eta Gernikaldean. Berriak, txostenak eta erabakiak.
Emaitzak
Urritik urrira egindako kontaketan 1995-1996ko unean C meningokoko 49 kasu dauden bitartean 1996-1997koan 88 daude EAEn (Nafarroan kasu gutxiago izan dira), intzidentzia-tasak 100.000 pertsonako 2.33 eta 4.19koak direlarik. Kultibo negatiboak zuzenduz gero 74 eta 118 kasu aztertzen dira uneko, eta bere intzidentzia-tasak 3.51 eta 5.61 bihurtzen dira.
Gernika-Lumo udalean eta Genikaldeko udaletan ez da gaixotasunik gertatu.
Eskualde honetan txertatutakoak %95 dira. %20 kanpaina hasi aurretik eta %75 kanpaina aurretik.
Eskualdean diharduen osasun langileen ondorengoen txertaketa honelakoa izan da: 61 serne-alabetatik 56 txertatzen dira, 25 kanpainan zehar (%41) eta 31 kanpaina aurretik (%51). Datu hauek populazio orokorrenarekin parekatuz gero estatistikoki esanguratsuak dira.
Ondorioak
- Madrileko kasuak direla eta, boom inforrnatiboa dago, desproportzionatua, are gehiago beste kornunitateetan gertatutakoarekin (Galizian, askoz ere grabeagoa) ez garenean ohartu. Komunikabideek zerikusi handia daukate gaixotasunaren pertzepzioan.
- Gizartearen alarmak baldintzatu egiten ditu erabaki sanitarioak.
- Txertaketa selektiboa aholkatu ez den herrietan kanpaina aurretiko txertaketa ez da izan antzeman zitekeen bestekoa. Esan genezake populazioak nahiko kasu egiten diotela autoritate sanitarioak agindutakoari.
- Osasun langileek ez dute jarraitu, gure kasuan, txertaketa-batzordearen aholkuak.
- Pertsonal sanitarioa nahiko ondo informatuta egon da (oro har).
Azken Berriak
Osakidetzan euskaldunak identifikatuta: arta euskaraz bermatzeko bidean pauso bat?
Hitzez hitz, etorkizuna berreraiki
