Osasungoa Euskalduntzeko Erakundea

Osasungoa Euskalduntzeko Erakundea

+34 944 001 133

oee@oeegunea.eus

27. Osasun Biltzarra 2017: Aniztasuna osasunean

4.8 Antsietatea... Berdin tratatzen al ditugu emakumeak eta gizonak?

Egileak: Asier Calvo Alvarez de Arkaia, Itsaso Sexmilo Ayarra

0


pdf  Antsietatea... Berdin tratatzen al ditugu emakumeak eta gizonak?

Sarrera

Bibliografiaren arabera, egile ugarik pazienteei eskainitako jarrera desberdina izan daiteke pazienteen generoaren arabera. Hau zenbait gaixotasun motatan areagotu daiteke, antsietatearen alorreko gaixotasunetan esaterako. Hau horrela izanda, emakumeei gaixotasun organikoak baztertzeko froga osagarri gutxiago egin liezaiekete eta tratamenduan desberdintasunak egon litezke.
Gure lantokian, hots, hirugarren mailako ospitale bateko larrialdi orokorretako zerbitzua, hau gerta litekeelakoan, zerbitzuan antsietate diagnostikoa duten pazienteen maneiua aztertzea (emandako lehentasuna, eskatutako proba osagarriak eta eskainitako tratamenduak) erabaki genuen. Larrialdi-zerbitzuan mediku adjuntu batek triajea egiten du, pazienteak guneetan banatuz: A (larrienak), B (traumatologia eta asaldatuak) eta C (arinenak).

Helburuak

Donostia ospitaleko larrialdi orokorretako zerbitzuan antsietatearen alorreko gaixotasunez diagnostikatutako pazienteen maneiua aztertzea, pazientearen generoaren arabera desberdintasunak dauden ikusteko.

Metodoak

Ikerketa deskriptibo transbertsala, 2016an larrialdi orokorretan antsietatearen esparruko diagnostikoak izan dituzten pazienteen historia klinikoaren azterketa eginez. Laginketa sistematikoa izan da. Ondorengo datuak bildu ditugu: generoa, adina, triajean jarritako lehentasuna eta sintoma, larrialdietako gunea, aurrekariak, froga osagarriak eta jasotako tratamendua. Psikiatriak atenditutako pazienteak baztertu dira. IBM SPSS Statistics programa erabili dugu.

Emaitzak

Ikertutako biztanleria: 2016. urtean Donostiako OU larrialdi orokorretan antsietatez diagnostikatutako pazienteak. Lagina: 100 paziente.
Emaitzak (%etan. E: emakumezkoak. G: gizonezkoak)
-Triajeko lehentasuna: I E:3, G:0; II E:5, G:4; III E:5, G:9; IV: E:78, G:83; V E:8, G:4.
-Hasierako sintoma (osasun mentalekoa): E:46, G:39.
-Larrialdietako gunea: A E:46, G41; B E:14, G:5; C E:40, G:54.
-Froga osagarriak: E:68, G:70.
-ECG E:59, G:70; erradiografia E:8, G:17; analisia E:32, G:22.
-Tratamendua jaso dutenen artean, benzodiazepina: E:100, G:82

Ondorioak

-Ez dugu ikertutako laginean estatistikoki adierazgarria den desberdintasunik aurkitu generoaren arabera, lehentasunari eta eskatutako froga osagarriei dagokienez.
-Tratamenduari dagokionez, emakumeei benzodiazepinak maizago preskribitzen zaie.
-Donostiako larrialdi-zerbitzuetan ez dugu generoaren araberako bereizketarik aurkitu, tratamenduan izan ezik. Etorkizunerako, honen inguruan hausnarketa proposatzen dugu “zergatik ematen dizkiogu benzodiazepinak gehiagotan emakumeei?”

Bibliografia

  • Mujeres y psicofármacos: La investigación en Atención primaria; I. Markez et al.; Revista española de Neuropsiquiatría; 2004.
  • Influencia del género del paciente en el manejo de cuadros ansioso depresivos; M. E. Moreno Luna et al.; Atención Primaria; 2000.

Azken Berriak

Begiraleen VIII. Topaketa hizpide Osatuberrin
Maiatzean, beste albiste bi argitaratu ditu Osakidetzak euskara hutsez plazaratzen duen Osatuberri.eus atari digitalak. Besteak beste, Paziente Bizia programaren barnean, Begiraleen VIII. Topaketa egin zuten Gasteizen urtarrilaren 26an eta horren kronik...
Osakidetzako Liburutegi Birtuala eta Lehen Mailako Arretari buruzko lehen jardunaldia hizpide Osatuberrin
Maiatzean, albiste bi argitaratu ditu Osakidetzak euskara hutsez plazaratzen duen Osatuberri.eus atari digitalak. Besteak beste, Eukene Ansuategi Zengotitabengoa Osakidetzako Liburutegi Birtualeko zerbitzuburuari egin diote elkarrizketa. Horretaz gain, ...

Berri +

Ugarteburu sariak
Egin bazkide
Gizarte-sareak
facebook twitter
Laguntzaileak
Eusko Jaurlaritza
Bai Euskarari

©OEE

Diseinua: Di-Da Garapena: Bitarlan