32. Osasun Biltzarra: Osasunaren sustapena guztion ardura
5.1 Erizainaren autonomia prozedura baten inguruan
Egileak: Xabier Sanz Cascante, Joseba Armental Moraza, Nerea Etxeberria Etxaleku, Erika Martin Perez, Nuria Gañan Iglesias, Rut Iturriza Garbizu
0
Sarrera
Osasun zentruko erizainak era autonomoan egin ditzakeen prozesu ugari dago. Horien artean, 2022ko maiatzean erizaintzako arreta-protokolo berria jarri zen martxan: “Argizarizko tapoia kanpo-entzunbidean eta helduei ateratzeko prozedura”.
Helburuak
Lehen 6 hilabeteetan, arreta-protokolo honekin lortutako emaitzak ikusi nahi dira, erizaintzaren autonomia maila neurtzeko
Metodoak
Atzera begirako ikerketa kuantitatiboa egin dugu, historia klinikoan sartutako formularioetan oinarrituz
Emaitzak
Denera 237 formulario erregistratu dira Pasaia San Pedro eta Bidebietako osasun zentroetan. Erregistro horiek, 230 pertsona desberdinenak dira, beraz, 7 kasutan, bi aldiz etorri dira prozesua egitera 6 hilabeteren tartean.
Denetatik, %97,47 kasuetan, erizainak era autonomoan konpondu du arazoa. Horietatik, %93,25 kasuetan, osasun hezkuntza eta garbitze prozedurak egin dira, eta beste %4,22 kasuetan, ez da prozedurarik egin behar izan, eta osasun hezkuntzarekin nahikoa izan da.
Azkenik, %2,53 kasuetan, erizainak medikuarekin hitz egin behar izan du arazoa konpontzeko.Gehienetan, irrigazio bidezko garbiketa eragotzita zegoenez, espezialistara bideratzako.
Ondorioak
Prozedura hau aurrera eramateko, erizainak era autonomoan egin dezake ia kasu guzietan.
Lehenago, medikuak ikusi eta onetsi behar zuen prozedura, erizainak egin ahal izateko, eta erabiltzaileak, informatutako baimen orria sinatu eta historia klinikora igo behar zen. Honenbestez, 6 hilabete hauetan, 231 mediku kontsulta gutxiago egin dira, eta egindako 6 kontsultak, erizainak aldez aurretik ikusitakoak izan dira. Papel gutxiago erabili dugu, eta Arreta Guneko lankideen denbora ere, aurreztu dugu.
Azken Berriak
Karlos Ibarguren eta Miren Altuna: Euskara: ukendua zauriarentzat
Jon Zarate Sesma: «Lehentasuna da babesa ematea beren lana euskaraz egingo duten osasun profesional horiei"
