Gauza jakina da gu guztiontzat kontsultetara bisita egiten diguten pertsonek dakartzaten arazoen artean, “guztiz biologikoak” direnez gain, kutsu emozionala duten edo pertsona-arteko harremanen ondorio diren problemak oso ugariak direla.

Gure kontsulten %30a arazo psikosozialek betetzen dute; horrenbestez, ezinbestekoa zaigu era honetako gaiak jorratzeko prozedura efizienteak ezagutzea, eta haietako bat  Psikoterapia Laburra da. Izenak ondo dioen bezala, helburu terapeutikora biderik labur eta errazenetik iristen da, eta denbora gutxian lortzen ditu helburuak beraz.

Denbora laburrean pazienteen eta haien familien egonezina hobetzeko gai den tresna multzo honek %66-80ko arrakastak lortu ditu burututako ikasketetan.

Hau guztia dela eta, Psikoterapia Laburra ezagutu eta praktikan jartzeak, pazienteen osasuna hobetzeaz gain, satisfazio profesionala ere hobetzen du.