22. Osasun Biltzarra: Osasun-langileon erronka berriak
Internet, kontsultarako laguntza
Egilea: Ruben Garcia Perez
Txurdinagako (Bilbo) Osasun Zentroko pediatra
Internet ezinbesteko tresna bihurtu zaigu gure eguneroko bizitzan, bai arlo pertsonalean, baita profesionalean ere, ordenagailuetatik eskuan darabilgun telefonoetara ere pasatuz. Informazioak eta aukerak hain zabalak izanik, ba al dakigu behar bezala probetxatzen gure eguneroko lanean tresna erabilgarri zein eraginkorra izan dadin?
Tailerraren xedea, web orrien katalogo amaigabea eskaintzetik urrun, web 2.0 kontzeptutik abiaturik, osasun-profesionalontzat erabilgarriak izan daitezkeen tresna desberdinen zertzelada batzuk ematea da, bertan parte hartzen dutenen interesa piztu eta hortik abiaturik sareak eskaintzen dizkigun aukerak baliatu ahal izateko.
Tailerraren ardatz nagusiak honako hauek dira:
- sarean bilatzea, kutxa txikitxoa erabili baino gehiago: Google, eskaintzen dituen beste aukera batzuk eta beste bilatzaile batzuk
- Google ekosistema, bilatzaile arrunta baino askoz gehiago
- osasunari buruzko informazioak hazkuntza espoenntziala bizi duen garai honetan, ba al dago zure interes-gunean/espezialitatean eguneraturik egoterik, arrazoizko ahalegina eskainiz? RSSak eta irakurleak
- elkarrekin lan egiteko bideak:
- ofimatika sarean: Google docs eta abar
- wikiak
- disko gogor birtualak: Dropbox eta antzekoak
- lanak elkarbanatzeko beste bide batzuk: Issu, Scribd, Slideshare, Calameo
- elkarrizketak sarean: gizarte-sareak (Twitter, Facebook, LinkedIn eta Google+)
- beste tresna erabilgarri batzuk (multimedia fitxategiak, URLen laburtzaileak, bibliografia kudeatzeko tresnak e.a.).
*Parte hartzaileei inkestatxoa bidaliko zaie astebete lehenago, aurreko ezagumendua baloratu nahian.
**Tailerrean erabilitako materiala eta aipaturiko tresnak kontsultarako erabilgarri geldituko dira sarean.
Gogoratu mesedez tailer honetan izena ematen duzuenok ordenagailua eraman beharko duzuela.
Azken Berriak
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
ELA sindikatuak elkarretaratzea egin du astelehen honetan Osakidetzak Gasteizen duen egoitzaren aurrean. Osasun zerbi...
Euskararen pizkunde akademikoa: euskarak unibertsitatea behar du, eta unibertsitateak euskara
UEUk bere 54. Udako Ikastaroen hasiera-jardunaldian euskarak unibertsitatean duen egoera aztertu du, bereziki irakaskuntzan eta ikerketan. Nahiz eta euskaraz ikasteko aukerak handitu diren zenbait unibertsitatetan, euskarazko ikerketa eta ekoizpen zient...
