Bilboko Osasuna eta Hizkuntza jardunaldiek eman zuten zeresanik. Aurrekoan ekarri genizuen iritzi-artikulua eta gaurkoa horren erakusgai. Aitor Montes kideak Naiz-en dioenez:

"Aurreak erakusten du nola dantzatu atzea. Bilbon osasungintza eta hizkuntza izan ditugu mintzagai, unibertsitatearen eskutik, hizkuntzaren gaiari hizkera berriekin heldu nahian. Bide berriak bilatuz. Aspaldiko lagunak ikusten, adiskidantzak sendotuz. Baina gezurra zahartzen ez den moduan, etsipenaz ikasitakoak ez dira ahazten, eta behin eta berriro entzun dugu gauza bera: zenbat zailtasun, oztopo, traba eta baliabiderik eza osasun arreta euskaraz bermatzeko. Nahi eta ezin."

Bere ustez, osasungintza euskalduntzeko, funtsezkoena abiapuntu egokia hartzea da. Alegia, ardatza medikuaren aldean jarri beharrean, pazientean jartzea, eta osasungintzaren paradigmetan. Kontua ez da mediku ona ala euskalduna. Kontua da pazienteak osasun zerbitzua bere hizkuntzan jasotzeak zerbitzuaren kalitatea bermatzen duela.

[Jarraitzen du...].