Adi, Osagaiz aldizkariaren zenbaki berria kalean da: Osasuna eta Hizkuntza: erronkak eta aukerak

Osagaiz.eus webgunean topatuko duzue oso-osorik ikusteko eta azken ikerketen berri izateko. Aurtengo hirugarren ale berezia dugu, OEEren jardunaldikoen eta Osasun-Zientzietako ikertzaileen III.Topaketei zegokionaren ostean.

Oraingoan, EHUko udako ikastaroen baitan egindako topaketetan plazaratutako askotariko gai mamitsu eta interesgarriak bildu ditugu. Jardunaldiok Osakidetzak eta EHUk antolatuak izan ziren, "Osasuna eta hizkuntza: erronkak eta aukerak" izenburupean, hementxe eman genizuen horien berri. Alea zabaltzen duen hitzaurrearen hasierarekin uzten zaituztegu...

"Osasungintzak bere berezitasun eta konplexutasunak dauzka, eta pazientean oinarritutako osasun arreta normalizatua lortzeko, ezinbestekoak dira osasungintzaren esparru osoan lanean diharduten eragileen elkarlana eta sinergiak. Era berean, elkarlana proiektu eta ekintza zehatzetan gauzatu behar da. [...]. Eta horiek guztiak, eta aipatu gabe utzitako beste hainbat, garatu ahal izateko, garrantzi berezia eman behar zaio osasungintzako profesional euskaldunen sare indartsuago bat osatzeko planteatzen diren proposamenei.

2017ko jardunaldietan bezala, parte-hartzaileen kopuru handia izan da aurten ere: guztira 63 matrikulatu. Medikuak, erizainak, informatikariak, filologoak, soziologoak, itzultzaileak, zuzenbideko eta lan harremanen arloko adituak…, hainbat arlotako profesionalak bildu dira bi egunez."

[Jarraitzen du...].

Aurrera goaz osasun-arloko euskarazko argitalpengintzan!!! Zeuk ere ekarpenik egin nahi ezkero, sakatu hemen.