Oraindik ere sinatzeko aukera hemen daukazu.

OEE, Behatokia eta UEMAko kideok elkarlanean Osakidetzako logopedia-deialdiaren arazoa plazaratu dugu komunikabideetan. Horretarako, Berrian zein Argian "Osakidetzan logopeda euskaldunak behar ditugu" iritzi-artikulua argitaratu dugu. Bertan, helegitearen arrazoiak azaldu dira: logopeda elebakar batek eragin dezakeen kalte medikoa, logopedaren lanpostuaren egoera 40 urteren ondoren eta dagoen material falta.

Izenpe-bilketak eta iritzi-artikuluek hizkuntza eskubideen aldeko iruzkinez bete dute OEEren webgunea, haien artean logopeda batek iritzi-artikuluan esandakoak berretsi eta lanbidean euskarak bizi duen egoera azaldu du.

"Logopeda lanetan ari naz Osakidetzan orain dala 12 urte baino gehiagoz eta artikuluan jasotako informazioa zuzena dala baieztatu daiket. Gero eta eskari haundiagoa dago arreta euskaraz jasotzeko eta gaur egun guztiz beharrezkoa da euskerea gure lana pazienteak merezi dauan kalitateaz burutzeko.Materialaren euskarazko bertsio balioztatuak izatea premiazkoa da ere!"

Sinatu eta zabaldu, osakidetzan logopeda euskaldunak behar ditugu eta!